نہج البلاغہ حکمت 211: چند ہدایتیں
(٢۱۱) وَ قَالَ عَلَیْهِ السَّلَامُ
(۲۱۱)
اَلْجُوْدُ حَارِسُ الْاَعْرَاضِ، وَ الْحِلْمُ فِدَامُ السَّفِیْهِ، وَ الْعَفْوُ زَكٰوةُ الظَّفَرِ، وَ السُّلُوُّ عِوَضُكَ مِمَّنْ غَدَرَ، وَ الْاِسْتِشَارَةُ عَیْنُ الْهِدَایَةِ، وَ قَدْ خَاطَرَ مَنِ اسْتَغْنٰى بِرَاْیِهٖ، وَ الصَّبْرُ یُنَاضِلُ الْحِدْثَانَ، وَ الْجَزَعُ مِنْ اَعْوَانِ الزَّمَانِ، وَ اَشْرَفُ الْغِنٰى تَرْكُ الْمُنٰى، وَ كَمْ مِّنْ عَقْلٍ اَسِیْرٍ تَحْتَ هَوٰى اَمِیْرٍ، وَ مِنَ التَّوْفِیْقِ حِفْظُ التَّجْرِبَةِ، وَ الْمَوَدَّةُ قَرَابَةٌ مُّسْتَفَادَةٌ، وَ لَا تَاْمَنَنَّ مَلُوْلًا.
سخاوت، عزت و آبرو کی پاسبان ہے۔ بُرد باری احمق کے منہ کا تسمہ ہے۔ درگزر کرنا کامیابی کی زکوٰة ہے۔ جو غداری کرے اسے بھول جانا اس کا بدل ہے۔ مشورہ لینا خود صحیح راستہ پا جانا ہے۔ جو شخص اپنی رائے پر اعتماد کرکے بے نیاز ہو جاتا ہے وہ اپنے کو خطرہ میں ڈالتا ہے۔ صبر مصائب و حوادث کا مقابلہ کرتا ہے۔ بیتابی و بیقراری زمانہ کے مدد گاروں میں سے ہے۔ بہترین دولتمندی آرزوؤں سے ہاتھ اٹھا لینا ہے۔ بہت سی غلام عقلیں امیروں کی ہوا و ہوس کے بار میں دبی ہوئی ہیں۔ تجربہ و آزمائش کی نگہداشت حسن توفیق کا نتیجہ ہے۔ دوستی و محبت اکتسابی قرابت ہے۔ جو تم سے رنجیدہ و دل تنگ ہو اس پر اطمینان و اعتماد نہ کرو۔
