منظوم نہج البلاغہ خطبہ 34

تمہیں عزت کے بدلے ننگ و رسوائی گوارا ہے

یہ حیرت ناک صورت ہے یہ عبرت کا نظارہ ہے

مری ہر بات کا جیسے ہو تم پر بند دروازہ

تمہیں حیرت میں ڈالے دیتا ہے میرا ہر اک جملہ

ہمیشہ کے لئے تم کھو چکے ہو اعتماد اپنا

کوئی ایسا ستوں بھی تم نہیں ، ہو آسرا جس کا

کہ تم ان اونٹوں جیسے ہو کہ جن کے گم ہوں چرواہے

اکٹھا اک طرف سے ہوں بھڑک جاتے ہوں اک جا سے

تمہاری سرحدیں ہر روز ہوتی جارہی ہیں کم

تمہیں غصہ نہیں آتا کبھی ہوتے نہیں برہم

قسم اللہ کی کاہل سدا ہارا ہی کرتے ہیں

( عدو بیہوشیوں کو دیکھ کر مارا ہی کرتے ہیں)

تو تم ابن ابی طالب سے یوں رہ جاؤگے کٹ کر

کہ جیسے جسم سے کٹ کر الگ ہو تے ہیں فورا سر

اور اس کی ہڈیوں کو توڑ دے اور کھال بھی نوچے

تو اس کا عجز سمجھو آخری سرحد کو پہنچا ہے

مگر میں اس سے پہلے ہی چلاؤں گا وہ تلواریں

کہ جس سے سر کی ساری ہڈیوں کے ریزے اڑ جائیں

اے لوگو ! دیکھو اک حق ہے مرا تم لوگوں کے اوپر

تمہارا ایک حق اللہ کی جانب سے ہے میرے سر

تمہیں تعلیم دوں تاکہ جہالت میں نہ کھو جاؤ

ادب سکھلاؤں تاکہ با عمل تم لوگ ہو جاؤ

میں جب آواز دوں لبیک کہہ کر پاس آجاو

میں جب بھی حکم دوں طاعت کرو ہرگز نہ ٹھکراؤ