کلمات قصار
نہج البلاغہ حکمت 17: غیر جانبداری
(۱٧) وَ قَالَ عَلَیْهِ السَّلَامُ
(۱۷)
فِی الَّذِیْنَ اعْتَزَلُوا الْقِتَالَ مَعَهٗ:
ان لوگوں کے بارے میں کہ جو آپؑ کے ہمراہ ہو کر لڑنے سے کنارہ کش رہے فرمایا:
خَذَلُوا الْحَقَّ، وَ لَمْ یَنْصُرُوا الْبَاطِلَ.
ان لوگوں نے حق کو چھوڑ دیا اور باطل کی بھی نصرت نہیں کی۔
یہ ارشاد ان لوگوں کے متعلق ہے جو اپنے کو غیر جانبدار ظاہر کرتے تھے۔ جیسے عبداللہ ابن عمر، سعد ابن ابی وقاص، ابو موسیٰ اشعری، احنف ابن قیس اور انس ابن مالک وغیرہ۔ بیشک ان لوگوں نے کھل کر باطل کی حمایت نہیں کی، مگر حق کی نصرت سے ہاتھ اٹھا لینا بھی ایک طرح سے باطل کو تقویت پہنچانا ہے۔ اس لئے ان کا شمار مخالفین حق کے گروہ ہی میں ہو گا۔
