منظوم نہج البلاغہ خطبہ نمبر 1

تمام حمد ہے مخصوص اس خدا کے لئے

کہ جس کی مدح سے قاصر ہیں بولنے والے

نہ اہل جہد سے حق اس کا ہو سکے گا ادا

"محال ہے کہ احاطہ کرے کوئی اس کا”

نہ اس کی ذات ہے محدود اور نہ اس کے لئے

ہیں ایسی لفظیں کہ تعریف جن سے کی جائے

اور اس نے خلق کو قدرت سے اپنی پیدا کیا

ہوائیں اپنی ہی رحمت سے جاری کیں بخدا

اساس دین و عقیدہ ہے معرفت اس کی

اور اعتراف ہے اس معرفت کی "پہلی کڑی”

خلوص دل کی بلندی ہے صرف نفئی صفات

کہ خود صفات ہیں شاہد کہ غیر اسکی ہے ذات

شریک مانا کسی کو تو دوئی کی پیدا

جو دوئی پیدا کرے اس نے چز بنا ڈال

جو بے خبر رہا اس سے اشارہ اس نے کیا

اشارہ جس نے کیا اس نے حد کو مان لیا

کہا یہ جس نے کہ کس چیز میں وہ مضمر ہے

تو گویا اسنے کسی ضمن میں ہے سمجھا اسے

وہ ہے ہوا نہیں ، اس کے بغیر دنیا نہیں

مگر عدم کی وہ تاریکیوں سے نکلا نہیں

ہے فاعل ایسا کہ آلات کا اسیر نہیں

مثال اس کی نہیں اور کوئی نظیر نہیں

وہ ایک ہے وہ اکیلا ہے اور تنہا ہے

وہ اپنی ذات میں یکتا ہے اور یگانا ہے

اور اس نے خلق کو از علم غیب پیدا کیا

نہ ابتدا میں نمونہ کوئی نگاہ میں تھا

نہ حرکتوں سے مدد لی نہ گردشوں میں پڑا

نہ ولولہ تھا نہ فکروں کی الجھنوں میں پڑا

ہر ایک چیز کو اک منفرد طبیعت دی

طبیعتوں کو بھی مخصوص شکل و صورت دی

نفوس اور انکے قرائن کا بھی تھا اس کو پتہ

تمام چیزوں کے اطراف کو بھی جانتا تھا

پھر ایسا پانی بہایا کہ اس کی لہروں میں

بلا کا جوش تھا تہ دار جسکی تھیں موجیں

ہوا اور آب کی یوں سرحدیں ملا ڈالیں

کہ نیچے رقص ہوا اوپر اس کے موجیں تھیں

اور اس کو روک کے مرکز پہ دے دیا قابو

شدید کردئے جھونکے اڑا دیا ہر سو

ہوا نے پانی کو کچھ اس طرح سے متھ ڈالا

کہ جس طرح سے متھا جائے ایک مشکیزہ

کہ پہلے حصہ کو آخر پہ یوں الٹ ڈالا

جمے ہوئے کو یوں سیال پر پلٹ ڈالا

کھلی فضا میں اسی جھاگ کو بلند کیا

اور اس سے ساتوں فلک رب نے ہیں کئے پیدا

اور اس کا اوپری حصہ کہ جیسے اک چھت ہو

بلند و برتر و بالا سی اک عمارت ہو

پھر آسمانوں کو تاروں سے اس نے زینت دی

چمک دمک سے سجایا عطا کی زیبائی

پھر آسمانوں میں اس نے شگاف پیدا کئے

طرح طرح کے فرشتے بھی اسمیں بھر ڈالے

کچھ ایسے بھی ہیں جو محِو رکوع ہیں ایسے

قیام کرنے کی فرصت بھی جو نہیں رکھتے

کچھ ایسے بھی ہیں جو تسبیح سے نہیں تھکتے

نہ نیند آتی ہے جن کو نہ سہو ہو ان سے

کچھ ان میں وحئی الہی کے حاملین بھی ہیں

رسولوں کے لئے احکام کے امین بھی ہیں

کچھ انمیں ایسے ہیں پاتال میں ہیں جن کے قدم

اور ان کی گردنوں کے آگے سر ہے عرش کا خم

جھکی ہوئی ہیں نگاہیں اس عرش کے آگے

اور اس کے نیچے ہیں وہ بال و پر سمیڻے ہوئے

خدا کو شکل و شباہت میں وہ نہیں لاتے

صفاِت خلق کو منسوب وہ نہیں کرتے (2)

پھر اس نے جمع کی ہر اک زمین کی مڻی

جو سخت و نرم تھی شیرین و شورہ زار بھی تھی

پھر اتنا گوندھا کہ لَس اس میں ہوگیا پیدا

اور اس سے ، اس نے بنائی وہ صورت زیبا

پھر اس کو اتنا سکھایا کہ خود ہی تھمنے لگی

اور اتنا سخت کیا گویا کھنکھنانے لگی

دماغ و ذہن کے جس میں تحرکات بھی تھے

تمام فکر کے جس میں تصرفات بھی تھے

مزوں کی رنگوں کی خوشبو کی معرفت بھی تھی

تمیز کرنے کی جس میں صلاحیت بھی تھی

ضدیں بھی اس میں ہیں ہر طرح کا بھی ہے عنصر

کہ گرمی، سردی، تری، خشکی کا ہے یہ پیکر

جو عہد سجدہ آدم کے بارے میں تھا ہوا

جھکا کے سر کو کریں اپنا عہد وہ پورا

جہالت اور تعصب نے اس کو گھیر لیا

شقاوت اور سیہ بختی نے کیا غلبہ

خدائے پاک نے بھی اس لعیں کو مہلت دی

غضب کا پوری طرح مستحق بنے وہ شقی

چنانچہ کہدیا معلوم وقت تک کے لئے

مری طرف سے اے ابلیس تجھ کو مہلت ہے

انہیں عدو کی عداوت سے با خبر بھی کیا

مگر عدو نے سکونت سے جل کے دھوکہ دیا

اور اس طرح سے مسرت کو خوف سے بدلا

فریب کھا کے عدو سے ہوئے وہ شرمندہ

دوبارہ خلد میں پہنچانے کا کیا وعدہ

اور امتحان کی دنیا میں لاکے چھوڑ دیا

اور ان کو کار رسالت کا عہدہ بھی سونپا

امین ان کو بنایا طریقہ بتلایا

بنا چکے تھے وہ اوروں کو اسکے ساتھ خدا

عبادتوں سے عدو کر چکا تھا ان کو جدا

کہ ان سے عہد خو فطرت کے تھے وہ پورے کرائیں

اور اس کی بھولی ہوئی نعمتوں کو یاد دلائیں

دفینے عقل و خرد کے ابھاریں باہر لائیں

اور ان کو قدرت رب کی نشانیاں دکھلائیں

یہ ناتوانی کے اسباب اور یہ بیماری

یہ حادثاِت مسلسل یہ رنج و غمخواری

طریقِ روشن و برہان لازمی کے بغیر

دلیلِ قاطع و تبلیِغ دائمی کے بغیر

اور ان میں پہلے جو تھا اس نے آنے والے کا

تمام حال بتایا معے نشاں و پتہ

اور یوں ہی مدتیں گذریں زمانے بیت گئے

تھے باپ دادا جہاں بس گئے وہاں بچے

محمد عربی کو خدا نے بھیج دیا

کہ جن کے بارے میں نبیوں سے عہد تھا اسکا

اور اس زمانے میں اہلِ زمین کے ببیشک۔

جدا جدا تھے عقیدے ، الگ الگ مسلک۔

کوئی بگاڑ رہا تھا خدا کے ناموں کو

کوئی بتاتا تھا معبود اپنا اوروں کو

چنا پھر آپ کو اس نے برائے قرب و لقا

اور اپنا خاص کرم آپ کے لئے رکھا

اڻھا لیا بڑی عزت سے آپ کو اس نے

بلا لا لیا بڑی چاہت سے آ پ کو اس نے

کہ پچھلے نبیوں نے بھی یوں ہی منہ کو موڑا نہیں

اور اپنی قوم کو بے قید و بند چھوڑا نہیں

تمہارے بیچ گئے چھوڑ کر وہ رب کا کلام

کہ جس میں صاف ہے مرقوم سب حلال و حرام

ہے رخصت اور عزیمت کا ذکر بھی موجود

ہے خاص و عام کا عبرت کا ذکر بھی موجود

ہے مجملات کی تفسیر اور وضاحت بھی

اور اس کی گتھیوں کا ،ہے بیان حکمت بھی

وہ آیتیں بھی ہیں اس میں کہ جنکی لا علمی

گرفت کے نہیں قابل حرج نہیں کوئی

وہ حکم بھی ہیں کہ جو فرض تو ہیں سنت سے

مگر کتاب میں متروک ہیں وضاحت سے

محرمات کے ما بین بھی لکیریں ہیں

صغیرہ اور کبیرہ کی اس میں فصلیں ہیں

عمل ہیں وہ بھی کہ جن کا قلیل بھی ہے قبول

بڑھائے جانے کا امکان بھی ہے اصلِ اصول

جہاں کچھ اس طرح آتے ہیں لوگ سب کھنچ کے

کہ جیسے گھاٹ پہ آتے ہیں جانور پیاسے

اور اس نے حج کو کیا صرف اس لئے واجب

یہ انکساری ہے اس کی بڑائی کی جانب

اور اس کی باتوں کی تصدیق جن نفوس نے کی

(طواف خانہ کعبہ کے مستحق ہیں وہی)

عبادتوں کی وہ منڈی سے نفع لیتے ہیں

وہ وعدہ گاِہ معافی کی سمت بڑھتے ہیں

حج اس کا فرض کیا "حق کو قرض کر ڈالا”

اور اس کی راہ نوردی کو فرض کر ڈالا