خطبات
خطبہ (۱۱۶)
(۱۱٥) وَ مِنْ كَلَامٍ لَّهٗ عَلَیْهِ السَّلَامُ
خطبہ (۱۱۵)
فَلَاۤ اَمْوَالَ بَذَلْتُمُوْهَا لِلَّذِیْ رَزَقَهَا، وَ لَاۤ اَنْفُسَ خَاطَرْتُمْ بِهَا لِلَّذِیْ خَلَقَهَا، تَكْرُمُوْنَ بِاللهِ عَلٰی عِبَادِهٖ، وَ لَا تُكْرِمُوْنَ اللهَ فِیْ عِبَادِهِ، فَاعْتَبِرُوْا بِنُزُوْلِكُمْ مَنَازِلَ مَنْ كَانَ قَبْلَكُمْ، وَ انْقِطَاعِكُمْ عَنْ اَوْصَلِ اِخْوَانِكُمْ.
جس نے تم کو مال و متاع بخشا ہے اس کی راہ میں تم اسے صرف نہیں کرتے اور نہ اپنی جانوں کو اس کیلئے خطرہ میں ڈالتے ہو جس نے ان کو پیدا کیا ہے۔ تم نے اللہ کی وجہ سے بندوں میں عزت و آبرو پائی، لیکن اس کے بندوں کے ساتھ حسن سلوک کر کے اس کا احترام و اکرام نہیں کرتے۔ جن مکانات میں اگلے لوگ آباد تھے ان میں اب تم مقیم ہوتے ہو اور قریب سے قریب تر بھائی گزر جاتے اور تم رہ جاتے ہو، اس سے عبرت حاصل کرو۔