منظوم نہج البلاغہ خطبہ 26

کہ جب اہل عرب سب سے برا دیں رکھنے والے تھے

جو بے حد پست اور بدتر گھروں میں رہنے والے تھے

جو گدلا پانی پیتے تھے جو گندہ کھانا کھاتے تھے

جو قطع رحم کرتے تھے جو ناحق خوں بہاتے تھے

جو میں نے دیکھا میرے اہل خانہ کے سوا کوئی

نہ میرا یاور و ناصر ہے صورت ہے نہ نصرت کی

گلے میں پھندہ تھا پر غم کے سارے گھونٹ پی ڈالے

اور حنظل سے زیادہ سخت لمحے جان پر جھیلے

نہ بیعت کرنے والا اس سے ہرگز بہرہ ور ہوگا

نہ رسوائی سے بیعت لینے والے کو مفر ہوگا (1)

بھڑک اٹھے ہیں اس کے شعلے لہریں تیز ہیں اس کی

پہن لو صبر کا جامہ کہ نصرت اس میں ہے مخفی